احوالات روز عاشورا

 

کربلایه گلدی چون پیغمبر عاشورا گونی
گؤردی برپادور اوْ چؤلده محشرعاشورا گونی
**********
گؤردی بیریاندان گلور،هل ناصروینصرسسی
عرشه چخموش بیرطر‌فده‌ن،هل من مبارزنعره‌سی
بیرطر‌فده ئؤلدورللربیرغریب وْبیکسی
جمع اوْلوب یوزمیند‌ن آرتوق،لشگرعاشورا گونی
**********
نیزیه تکیه قیلوب،بیرشخص بوْینونداکفن
یوزدوتوب درگاه حقّه،کی خدای ذوالمنن
بوحسین،بوکربلا،بوشمر،بونازک بد‌ن
بوخد‌نگ ونیزه وْ بوخنجر،عاشورا گونی
**********
اوْل بدنکی بسلمیشدی جان ایچینده مصطفی
گؤردی دوشموش پاره پاره قان ایچینده مصطفی
آشدی باشون آغلادی،میدان ایچینده مصطفی
نالیه گلدی تمامن گؤیلرعاشورا گونی
**********
کاش کی ویران اوْلیدی بوسپهربد ثبات
آغلیاندا نعش دؤرینده سوسوزلیقدان بنات
آخدی اشگ دیده‌ی زینب کیمی آب فرات
لبلرین امدی عطشد‌ن،اصغرعاشورا گونی
**********
مست ائدوب پیرمغان یتمیش ایکی مستانه‌نی
مجلس ذرّاتیده نوش ائتدیلر پیمانه‌نی
کربلاده گؤردولر چون طلعت جانانه‌نی
دوشدولرمدهوش وْبیخود یکسرعاشورا گونی
**********
شاد ابوسفیان اوْلوب،قالدی پیمبررنجیده
اوْینادی بخت یزیدبی‌حیا شش پنجیده
ماته دوشدی شه پیاده،عرصه‌ی شطر‌نجیده
فیلیدن سالدی وزیری،اشقرعاشورا گونی
**********
قیلدی جلوه لمعه‌ی نورخدا مشگاتیده
اوْینادی رندان کهنه،تخته‌ی ذرّاتیده
طاس زرّین ولایت قالدی چرخ ماتیده
پنج وْششد‌ن خالی اوْلدی،ششد‌رعاشورا گونی
**********
فارغ اوْلدی شمرلامذهب چوکارشاهید‌ن
الده خنجر خیمه‌گاهه،گلدی قتلگاهید‌ن
نه پیغمبرد‌ن اوتاندی اوْل کافرعاشورا گونی
هر نه بولدی ائیلدی اوْل کافر عاشورا گونی
**********
وئردی فرمان ابن سعدبی‌مروّت لشگره
ووردولاراوْت خیمه‌گاه عترت پیغمبره
جمع اوْلوب یکسرزنان کوفه زیب وْ زیو‌ره
قالدی زهرا قزلاری آغلارگون عاشورا گونی
**********
یاعلی قالدی حسین تک،نینوایه گلمدون
چوْخ چاغوردی گل بابا،اؤلدوم هرایه گلمدون
خیبره گئتدون ند‌ن بس کربلایه گلمدون
یا علی صوتیله دوْلدی چؤللر عاشورا گونی
**********
ای خلیله آتش نمرودی گلزار ائیلین
وادی ایمنده موسائیله گفتار ائیلین
یوسفی سلطان مصری،شمسی عطّار ائیلین
بس ندن قالدی حسین بی‌یاو‌رعاشورا گونی
**********
شعراز:مولانا شمس عطار اردبیلی